Ақмола облыстық сотының төрағасы тағайындалды

Досжан Сарманқұлұлы Әміров 1962 жылы туған, 1988 жылы Қарағанды мемлекеттік университетін заңгер мамандығы бойынша бітірген. Еңбек жолын 1979 жылы бастаған.  Университетті бітірген соң 1989 жылдан бастап Солтүстік Қазақстан облысы Тимирязев, одан әрі Ленин аудандық соттарының судьясы болып істеді.
1990-1999 жылдары – Солтүстік Қазақстан облыстық сотының мүшесі. 1999-2007 жылдар аралығында Қарағанды облысы Теміртау қалалық сотының төрағасы, Солтүстік Қазақстан облыстық сотының қылмыстық істер жөніндегі алқасының төрағасы, 2007-2011 жылдар аралығында Астана қалалық және Жамбыл облыстық соттары қылмыстық істер жөніндегі алқаларының төрағасы болды.
2011-2015 жылдары – Маңғыстау облыстық сотының төрағасы. 2015 жылдан жаңа қызметке тағайындалғанға дейін Шығыс Қазақстан облыстық сотының төрағасы болып қызмет атқарды.