85 жастағы әже Есентаеваға қазақ биін үйретті (видео)

31 шiлде 2017, 16:41

Өзгелер оның кітабын талқылап жатқан кезде Баян Мақсатқызы қазақ ауылында уақыт өткізуде. Жай жүрген жоқ, “Қозы Көрпеш – Баян Сұлу” кинокартинасын таспалап жатыр. Ал кәсіпкер Тұрсынғали Алагөзов бар жұмысын ысырып қойып, сүйіктісімен бірге түсірілім алаңында жүр.

Бұл туралы Stan.kz хабарлайды.

“Кітабым шыққан соң, 1 жыл ешкімнің көзіне көрінбеймін”, – деген Баян уәдесін орындап келеді. Соңғы уақытта ол БАҚ құралдарына сұхбат беруден бас тартып жүр. Ол аз десеңіз, әлеуметтік желіге де сирек кіретін болған. Есесіне бұл олқылықтың орнын кәсіпкер Алагөзов толтыруда.

Күні кеше Алагөзов желідегі парақшасына түсірілім жұмыстары жүріп жатқан ауылдан видео жариялады. Көріністен 85 жастағы әжейдің мың бұрала билегенін әрі ол биді Баян Есентаеваға үйретіп жатқанын көруге болады.