24 қарашадағы саудада доллар күрт көтерілді

Қазақстан қор биржасы (KASE) 15:30-дағы жағдай бойынша доллардың орташа сараланған бағамы бірден 3,13 теңгеге көтеріліп, 465,95 теңгені құрағанын жариялады, деп хабарлайды Zakon.kz.

Ресей рублінің орташа сараланған бағамы 7,69 теңгеге дейін көтерілді.

Қытай юанінің орташа сараланған бағамы көтеріліп, 65,23 теңгені (+0,74) құрады.

Еуро бойынша сауда-саттық болған жоқ. Еуро бағамын Ұлттық банк 477,55 теңге деп белгіледі.

Ақша айырбастау орындарында доллар 464,5-468,5 теңге, еуро 477-487 теңге, ресей рублі 7,3-7,45 теңге аралығында сатылуда.

Ал 24 қарашадағы сауда барысында әлемдік мұнай бағасы көтеріліп жатыр.

Осылайша, Brent маркалы мұнайдың қаңтар фьючерстерінің құны 0,09%-ға өсіп, барреліне 82,38 долларды құрады.

Қаңтардағы WTI маркалы мұнай фьючерстерінің бағасы барреліне 78,72 долларды құрады, бұл алдыңғы сессияның қорытынды құнынан 0,28%-ға жоғары.