1900 ауылға интернет жеткізіледі

Бұл туралы ақпарат және коммуникациялар министрі Дәурен Абаев үкімет отырысынан соң өткен баспасөз мәслихатында айтты, деп хабарлайды jasqazaq.kz тілшісі.
«Ауылға интернет бару керек. Өйткені қала мен ауылдың цифрлық айырмашылығын азайтуымыз қажет. Сондықтан біз бұған арнайы бағдарлама жасадық. 3 жылдың ішінде 1900 ауылдық елдімекенге интернет жетеді. Ол жай ғана интернет емес, сапалы және жылдам интернет болады. Соның арқасында елді мекендерде жаңа жұмыс орындарының ашылуы көзделіп отыр», – деді министр. Оның айтуынша, бұл жоба жүзеге асса, 4 миллион адам сапалы әрі арзан интернетке қол жеткізеді екен.