Зульфия Мексикадағы әлем чемпионатынан «алтын» алды

Мехикода (Мексика) мүмкіндігі шектеулі азаматтарға арналған спорт фестивалі өтіп жатыр, деп ҚазАқпарат.

Онда жиынға қатысушылар суда жүзу мен ауыр атлетикадан өнер көрсетуде. Осы жарыста 50 метр қашықтыққа еркін стильде жүзген қазақстандық спортшы Зульфия Ғабидуллина алтын медальды жеңіп алды. Ол 50 метр қашықтықты 42.87 секундта жүзіп өтіп, грециялық Александру Стаматопулуды (+2.92) және италиялық Патрисию Валлені (+12.75) артта қалдырды.

Сәрсенбі күні Қазақстанға күміс пен қола медальды Әнуар Ахметов пен Андрей Афанасьев алып берді. Олар 100 метр қашықтыққа брасс әдісімен жүзді. Қазақстандықтар Беларусь елінің спортшысы Владимир Изотовқа жол берді.