Жұмысында әріптесіне қырындағандар енді заңмен жазалануы мүмкін

25 сәуiр 2025, 10:59

Әрбір үшінші адам харассментке тап болған. Елімізде жұмыс орнында әріптесіне қырындағандар енді заңмен жазалануы мүмкін. Еңбек және халықты әлеуметтік қорғау министрлігі кодекске осындай өзгеріс енгізбек, деп хабарлайды jasqazaq.kz КТК-ға сілтеме жасап.

Әлеуметтік сауалнамаға сәйкес, отандастарымыздың 30 пайызға жуығы жұмыста әріптесінен жыныстық сипатта қысым көрген. Алайда мұндай жағдайда қызметкерлерді Еңбек кодексі қорғай алмайды. Яғни қолданыстағы заңнамада оның құқықтық анықтамасы, белгілері мен шағымдану жолдары қарастырылмаған әрі бізде халықаралық еңбек ұйымының «Еңбек саласындағы зорлық-зомбылық пен қысымды жою туралы» конвенциясы бекітілмепті. Заң жобасының авторлары осы олқылықты жоюды көздейді. Жұмыстағы харассмент үшін жазалауды көздейтін құжат мамырдың 15-іне дейін қоғамдық талқылауға шығарылған.