Жұмыс таппай көпірден секірмек болды (видео)

Қарағандыда полиция бөлімшесіне 41 жастағы азаматтың Гоголь көшесіндегі көпірден секіргелі тұрғаны жайлы хабар түскен. Ер адам оқиға орнына журнаистердің келуін талап еткен. Кейін белгілі болғандай ол мұндай әрекетке жұмыс таппай қиналғаннан барыпты. Бұл туралы newtimes.kz хабарлады.

Орталық полиция бөлімінің меңгерушісі Ерлан Намысов ер адамды райынан қайтаруға келіссөз жүргізді.

Тәртіп сақшылары жолдың бір бағытын бөгеп, Орталық полиция басқармасының бастығы ер адамға жол өткеліндегі қоршаудан бері шығуын өтінді. Келіссөз барысында ер адамға жұмыс тауып беруге уәде берді.

Ерлан Намысов «Өмірде ештеңе өз өміріңді қиюға тұрарлық емес. Дәл осы сөз ол адамға өмірге басқаша қарап, оның мағынасын түсінуге мүмкіндік берді. Ол көпірдің қоршауынан шығып, полиция қызметкерімен медицина қызметкерлерінің жанына келді», — деді .