«Жылап, кешірім сұрамаймын». 4 ойыннан шеттетілген Самат Смақов мәлімдеме жасады

«Жетісу» командасының бас бапкері Самат Смақов ҚПЛ 5-туры аясындағы ойында төрешіге тіл тигізіп, дөрекілік танытқаны үшін айыпталды, деп хабарлайды jasqazaq.kz Самат Смақов төрт матчтан шеттетілді. ҚФФ баспасөз қызметі таратқан мәлімдемеде:

«Ордабасы» — «Жетісу» ойынында матчтың ресми тұлғасына тіл тигізіп, әдепсіз сөздер айтқаны үшін «Жетісу» командасының бас бапкері Самат Смақов төрт ойынға шеттетілді», — делінген.

Еске салсақ, «Ордабасыға» қарсы ойында (0:1) Смақовқа қызыл қағаз көрсетілген еді. Ол соған жауап ретінде төрешілерді сынап, отандық футболдың құлдырап бара жатқанын айтты.

Төрт ойыннан шеттетілген Самат Смақов: «Алда команда үшін маңызды матчтар бар, олар мені шындық үшін дисквалификациялады. Мен мұны дұрыс деп санамаймын, бірақ мен жылап, шағымданып және олардан кешірім сұрамаймын. Сондай-ақ, 25 сәуірде мен аңыздар матчында ойнамаймын. Мені барлық плакаттардан алып тастасын», — деген мәлімдеме жасады.

JQ-Aqparat