Жүкті әйел дүкеннен азық-түлік ұрлап ұсталды

Әйел бірнеше рет дүкеннен азық-түлік ұрлаған. Жүкті әйелдің үстінен дүкен қожайыны полицияға шағым түсірген, деп хабарлады stan.kz.

Шағымданушының сөзінше сұғанақ өзіне 171 мың 003 теңге көлемінде зиян келтірген.

Тексеру барысында әйелдің бір ай бойы сол дүкеннен азық ұрлағаны анықталған. Ол күдікке ілінбеу мақсатында арзан бір-екі затты сатып алып, қалғанын ұрлап жүрген. Ол ішіне арнайы сөмке байлап, аяғы ауыр адамша ішіне тауар толтырып алып шығып жүрген.

Тәртіп сақшылары осы оқиғаға күдікті ретінде 37 жастағы әйелді ұүстап отыр. Ол бұған дейін де тәртіп бұзып, полицияның көзіне түскен. Ол дүкен тонауды бірнеше жылдан бері әдетке айналдырған. Қазір осы ұрлық бойынша тергеу амалдары жүріп жатыр.