Женифер Лопестен бізге не пайда?

Әлемді аузына қаратқан Женифер Допес өзінің Up All Night турнесінің басталғанын жария етті. Турне 1 шілдеде басталып, 3 тамызға дейін жалғасады. Лопес 17 қалаға, соның ішінде Анталья, Ыстамбул, Мадрид, Барселона, Будапешт, Варшава, Бухарест және Әбу-Дабиде өнер көрсетеді. Сондай-ақ ол 1 тамызда Астанаға келеді.

Оған дейін төрт айдан астам уақыт бар, ал «Астана Концерт» компаниясының продюсері Мәлік Хасенов бұл концерттің отандық экономикаға жағымды әсер ететінін мәлімдеп тастады.

Үкіметтің бүгінгі отырысында Мәлік Хасенов: «Бүгін Қазақстан үшін ғана емес, тұтас Орталық Азия үшін тарихи оқиға болатын ерекше жобаны қуанышпен көрсеткім келеді. 1 тамызда «Астана Арена» стадионында әлемге әйгілі әнші Женнифер Лопестің концерті өтеді, ол толығымен коммерциялық негізде ұйымдастырылады», − деді.

Хасеновтың айтуынша, мұндай деңгейдегі жұлдыздың келуі Астананың А-класты жұлдыздардың гастрольдік картасына енуіне жол ашады. Бұл қадам қаланың мәдени әлеуетін арттырып, халықаралық деңгейдегі іс-шараларды өткізу қарымын паш етуі тиіс.

«Бұл концертке 15 мыңнан астам шетелдік турист келеді деп болжап отырмыз. Қаланың экономикасына, HoReCa жүйесіне (қонақ үй, мейрамхана, кейтеринг) 6,5 млрд теңге және концерт өткізуден 400 млн теңгеден астам тікелей салық түсімі күтіледі», – деді ол.

JQ-Aqparat