«Жеке бас мәселесі». Қожаназаров Берденовке жасалған қастандық туралы пікір білдірді

Мәжіліс депутаты Айдарбек Қожаназаров партияласы, Шымкент қаласы әкімінің орынбасары Руслан Берденовке оқ атылуы туралы пікірін айтты, деп хабарлайды, jasqazaq.kz.

Мәжілістің жалпы отырысынан кейін тілші қауымның сұрақтарына жауап берген Қожаназаров: «Әрине, қару қолданып оқ ату — қастандық. Иә, қол астында жұмыс істеген. Шынында да араларында түсініспеушілік болғаны туралы ақпараттар келіп жатыр. Меніңше, ең маңыздысы — құзіретті органдардың жұмыс барысына еш ықпал жасамау керек. Бұл партиямыздың, биліктің бақылауында тұрған іс», — деді.

Сондай-ақ ол қазіргі айтылып жатқан алып-қашпа сөздерге сенбейтінін, бұл жағдайдың тұрмыстық сипаттағы қылмыс санайтынын айтты.

«Меніңше, ешқандай саяси астары жоқ. Бұл жеке бас мәселесі. Әзірге Руслан нақты түсініктеме бере алмайды, – деді депутат.

JQ-Aqparat