Жаппай төбелесте оқушыны атып кетті

Қаскелеңдегі «Арман» автостанциясында жаппай төбелес кезінде қарудан оқ атылып, жергілікті мектептердің бірінің 17 жастағы оқушысы қаза тапқан. Бұл туралы Алматы облыстық ІІД баспасөз қызметі хабарлады.

Tengrinews.kz хабарлағандай, оқиға 17 қарашаа болған. Полициядағылар қандай қарудың қолданылғанын анықтап жатыр.

«Екі топ жігіт жанжалдасқан. Біреуінде қару болған, ол одан оқ атқан», — деді ІІД өкілдері. Осы дерек бойынша ҚР Қылмыстық кодексінің 99-бабы («Адам өлтіру») бойынша қылмыстық істің тергеліп жатқаны хабарланып отыр.

«Қылмыстық істің тергеуі облыстық ІІД-нің тергеу басқармасының өндірісінде және департамент басшысы бұл тергеуді өз бақылауына алды. Қазіргі уақытта полиция ауыр қылмысты жасады деген күдіктілерді анықтау бойынша шаралар жүргізуде», — деп хабарлады ІІД баспасөз қызметінің өкілдері.