Жәнібек Әлімханұлының допингті емделген кезде қабылдағаны анықталды

Орта салмақтағы әлем чемпионы Жәнібек Әлімханұлына «допинг қабылдады» деген айып тағылып, WBO ұйымының шешімімен бір жылға спорттан шеттетілген еді. Енді тыйым салынған заттың боксшы ағзасына емделген кезде түскені анықталды.

Жәнібек Әлімханұлы былтырғы 7 мамырда Астана қаласындағы бір емханаға барған. 5 сәуірдегі жекпе-жектен кейін денсаулығы нашарлап, басы қатты ауырған, жүрегі айныған, құсқан. Сол кезде дәрігерлер құрамында мельдоний бар «Рипронат» препаратын тағайындаған.
Спортшының менеджері Эгис Климас америкалық журналист Стив Кимге берген сұхбатында Жәнібектің спорттық режимді әдейі бұзбағанын мәлімдеді. Оның айтуынша, мельдоний ағзада 9 айға дейін сақталуы мүмкін. Жәнібек жекпе-жекке шықпайтын болғандықтан, допинг-тестіден өтпеген.

JQ-Aqparat

 Фото: Жәнібек Әлімханұлының Instagram парақшасынан