Жаңғырық: экс-дипломат Сәкен Мамаш қамауға алынды

Өткен жылғы мамырда Қазақстанның БАӘ-дегі елшілігінің кеңесшісі Сәкен Мамаштың әйелі бірнеше жыл күйеуінен жәбір көргенін айтып, шу көтерген болатын. Көп ұзамай дипломат жұмыстан шығарылып, үстінен қылмыстық іс қозғалды.

Бір жылға жуық уақыт өткенде Сәкен Мамаштың әйелін жүйелі түрде ұрғаны дәлелденді. Астана қаласының полиция департаменті хабарламасында:
«Өткен жылы бұрынғы елші кеңесшісіне қатысты жұбайына жүйелі түрде қол жұмсау фактісі бойынша қылмыстық іс қозғалды. Полиция тарапынан жедел-тергеу тобы құрылды. Оқиғаның барлық мән-жайын анықтау үшін қажетті сараптамалар кешені жүргізілді», — делінген.
Тергеу және сараптама нәтижесінде экс-дипломаттың ісіне қатысты біраз дәлел жиналған. Полиция департаменті мәлімдегендей, тергеу нәтижесі бойынша күдікті Сәкен Мамашқа қатысты тергеу соты қамауда ұстау түріндегі бұлтартпау шарасын тағайындалған.

JQ-Aqparat