Жанармай станциясынан қару-жарақ табылды

Жаркент қаласындағы жанар-жағармай құю станциясынан қару-жарақ сақталған орын табылды.
Полицейлер ҰҚКД қызметкерлерімен бірлесе отырып, Панфилов ауданы Жаркент қаласының маңындағы қараусыз қалған жанар-жағармай құю станциясында қос ауызды шолақ мылтық, сондай-ақ 9 патронмен бірге «STREAMER 1014» травматикалық тапаншасы сақталған жасырын орынды тапты.
Аталған факті бойынша тергеу амалдары басталды. Табылған қару сараптамаға жіберілді.
«Заңсыз сақталған қаруды, сондай-ақ оған негізгі (құрамдас) бөліктерін өз еркімен тапсырған азаматтар, егер олардың іс-әрекеттерінде басқа құқық бұзушылық құрамы болмаса, жауапкершіліктен босатылатынын естеріңізге саламыз», — деп мәлім етті Жетісу облыстық полиция департаментінің баспасөз қызметі.

JQ-Aqparat