Жамбыл облысының мемлекеттік кірістер департаментінің бас маманы парақорлыққа делдал болғаны үшін сотталды

Жамбыл облысының қылмыстық істер жөніндегі мамандандырылған ауданаралық соты облыстық мемлекеттік кірістер департаментінің бас маманы С. Үкімбаевқа, Тараз қаласының тұрғындары Э. Мурадовқа және Т. Телеуовқа қатысты үкім шығарды, деп хабарлайды jasqazaq.kz.

Сыбайлас жемқорлыққа қарсы іс-қимыл агенттігінің мәліметінше, Мұрадов пен Телеуов қалалық қаржы бөлімінің лауазымды адамдарына бұрын тәркіленген және соттың шешімі бойынша жойылуға жататын темекі өнімін бергені үшін 200 мың доллар сомасында пара бергені үшін, ал Үкімбаев — парақорлыққа делдал болғаны үшін кінәлі деп танылған.
Сот үкімімен Мұрадовқа 10 жыл, Телеуовқа — 9 жыл, Үкімбаевқа 3 жыл бас бостандығынан айыру жазасы тағайындалды.

Сонымен қатар, Үкімбаев өмір бойы мемлекеттік қызметте және квазимемлекеттік сектор субъектілерінде қызмет атқару құқығынан айырылды.

JQ-Aqparat