Жамбыл облысында жоғалған ер адам өлі күйінде табылды (Видео)

18 ақпан, 10:29

Жамбыл облысында 13 ақпанға қараған түні Тұрар Рысқұлов ауданы аумағында жоғалып кеткен 1982 жылы туған ер адам өлі күйінде табылды. Ол достарымен бірге Аққұдық ауылы маңындағы құмды аймаққа шыққан кезде көліктері бұзылып, белгісіз бағытта кетіп қалған.

Төрт күн бойы іздестіру жұмыстары жүргізіліп, оған Қазақстан Республикасы Төтенше жағдайлар министрлігі құтқарушылары, полиция, кинологтар, дрондар мен арнайы техника жұмылдырылды.
Марқұмның денесін жергілікті тұрғындар ашық аумақтан тапты. Оқиғаның мән-жайы анықталуда.