Жалған ақпаратпен «күрес»: 4,5 миллион кімнің қалтасына кетті? (Видео)

06 ақпан 2025, 12:25

Америка сыртта оңды-солды, орынсыз шашылған ақшаның есебін шығара алмай жатыр. Көптігі сонша. «Ізгі ниетпен» деп бөлінген жасыл қағаздың бір бөлігі біздің елге де бұйырыпты.

Ақ үйдің жаңа баспасөз хатшысы Керолайн Левитт (Karoline Leavitt) «Жалған ақпаратпен күресті қаржыландыруға» деп Қазақстанға 4,5 млн доллар жіберілгенін хабарлады. Ол, сондай-ақ, АҚШ-тың бұрынғы әкімшілігінің Гватемалада жыныс ауыстыру үшін 2 млн доллар бөлгенін де атап өтті. Бұған дейін бұрынғы президент Байден басқарған биліктің ЛГБТ ұйымдарын ерекше жарылқап, тіпті, трансгендерлерге арналған операны да қаржыландырғаны мәлім болған еді.

Ал біздегі әлеуметтік желі мен кейбір сайттарда ақты қара, өтірікті шын деп көрсететін дүние өріп жүр. Құзырлы орындар болмаса, білек сыбанып, бұрысты терістеп жүргендерді көрмедік. Керісінше, өтірікті өрге сүйрейтіндер де сол, шеттен жем жейтіндер емес пе?..

«Жалған ақпаратпен «жан аямай соғыстық» деп Американың жомарт қолынан грант алғандар кімдер? Жұрттың көкейіндегі сұрақ осы.