«Жабайылық»: Баян Алагөзова қазақтың сәлем салу дәстүріне қарсы екенін айтты

Продюсер Баян Алагөзова сәлем салуға үзілді-кесілді қарсы. 8 наурыз құрметіне бір топ әйел жиналып, әр түрлі тақырыптың басын шалған подкастта ол:

«Маған ешқашан да ер адамға бас ию дегенді үйреткен емес.Алматыға барғанымда Шымкенттен келген қыздардың иіліп, сәлем салғаны мен үшін өте жабайылық болды. «Не үшін иілесің» десем, «бұл қалыпты жағдай, солай болуы керек» дейді. Кешіріңіздер, мен әкемді өте құрметтеймін. Атама деген құрметім шексіз. Үлкендерге, ер адамдарға құрметпен қараймын. Бірақ менде мұндай құлшылық ету деген болған емес.

Маған оны үйретпеген. Үйрете де алмайды. Бұл – менің таңдауым. Мені әжем еркін өсіріп, тәрбиелеген. Кеңес Одағының батыры атағын алған әйелдердің бәрі батыс жақтан. Жамбылдан да, Шымкенттен де шыққан жоқ. Бәрі Орал мен Ақтөбеден. Батыста біздің қыздар еркіндікті жақсы көреді. Құдайға шүкір, өзім осы жақта туып-өскеніме қатты қуанамын», — деп деді.

Біреулер оны қызу қолдаса, «сәлем салудан қор болып қалған ешкім жоқ» деп сынағандар көп.

JQ-Aqparat