Зерттеу нәтижесі: кішкентай қыздар интернетте танысқан адамға суретін жібереді

Елімізде он қыздың біреуі ғаламторда бейтаныс адамдармен танысып, суретін жібереді. Жалпы цифрлық кеңесте 15-17 жастағы жасөспірім қыздар ең осал топқа кіреді. Бұл туралы оқу-ағарту министрлігі Балалардың құқықтарын қорғау комитетінің төрайымы Насымждан Оспанова айтты, деп хабарлайды jasqazaq.kz.

Орталық коммуникациялар алаңында өткен брифингте Н.Оспанова комитеттің UNICEF-пен (Біріккен ұлттар ұйымының балалар қоры) бірігіп жүргізген зерттеу нәтижесіне тоқталды. 1200 баланы қамтыған зерттеудің нәтижесі алаңдатарлықтай. Сауалнамаға қатысқандардың 3 пайызы мүлде көрмеген адаммен жазысқан. 10 пайызы өзі туралы жеке мәлімет беріп, суретін жіберген.

«Әр оныншы бала өзі туралы мәлімет сұраған бөгде адамға фотосуретін жіберген. Он бір қыздың біреуі интернетте таныса салып, кездесуге барған», — деді ол.

JQ-Aqparat
фото: pixabay.com