Ақтөбеде зейнеткерлерді алдап, ірі көлемдегі ақшаларын иеленген алаяқтар ұсталды. Бұл жайында Polisia.kz сайты жария етті. 13 шілде күні 84 жастағы қала тұрғыны полиция бөліміне алданғаны туралы арызданды. Зейнеткердің айтуынша, белгісіз тұлғалар оның қызының жол апатына тап болғанын және оған ота жасау үшін ірі көлемде ақша қажет екенін айтқан.
Ақшаны аударып жатқан сәтінде алматылық үш күдікті ұсталып, УҰИ-ға қамалды. Ұсталғандардан 15 млн теңге тәркіленді, олар банктердің терминалы арқылы ақшаны өздерінің сыбайластарының шоттарына аударып жібермек болған.
JQ-Aqparat