Зейнеп Ахметова: Жағымсыз жарнама ұлтқа жасалған қиянат

31 қазан 2017, 15:32

Зейнеп Ахметова қазақтың салт-дәстүрін мазақ еткен жарнаманы- тұтастай ұлтқа жасалған қиянат деп атады. Оның сөзінше, “Қызымды алса, бар дүниесін түгендеп беремін” деп айтатын жарнамада қыздың абыройына, қазақтың дәрежесіне нұқсан келіп отыр, – деп жазды Stan.kz

Бауыржан Момышұлының келіні жазушы Зейнеп Ахметова телеарналардан көрсетіліп жатқан жарнаманың балалар миын улаумен айналысып жатқанын айтады. “Немерем “Апа мен үйленсем келіншегім дүниесімен келеді екен ә?” деп сұрады. Оны қайдан шығардың десем “Әне көрмейсің бе?” деді. Қарасам, Ана бишара “қызымды ал” деп жалынып жатыр. “Мәшине берем, үй берем, көптеген қымбат заттарды қоса беремін” деп жалынып отыр. Ал жігіттің жағы “Мы еще подумаем” деп керіледі. Бұл не бәле? Қай атаңнан көрдің қызын саудалаған қазақты?” ,-деп ашуланды Зейнеп Ахметова.