Заринаның кәсіпқой рингтегі алғашқы қарсыласы анықталды

31 қазан 2017, 10:02

Қазақстандық боксшы қыз Зарина Цоллоеваның кәсіпқой бокстағы алғашқы қарсыласы анықталды, — деп хабарлайды Vesti.kz.

Америкалық әйгілі әртіске ұқсағандықтан оны жұрт «қазақстандық Джоли» атап кеткен. Оның жекпе-жегі 2 қарашада АҚШ-тың Луизиана штатындағы Рейне қаласында өтеді.

BoxRec мәліметінше, қазақстандық қыздың қарсыласы 24 жастағы америкалық Селина Барриос. Ол әлі жеңілмеген, екі кездесу өтізіп, екеуінде де жеңіске жетсе, біреуін мерзімінен бұрын аяқтаған.

Жекпе-жек жеңіл салмақта Civic Center аренасында өтеді. Кездесу форматы — үш минуттан төрт раундқа созылады.