Қызылжарда еріктілер қаңғыбасқа көмек қолын созды

22 қараша 2016, 22:59

petropavl

Петропавл қаласының еріктілері қаңғыбастарды жарылқай бастады. Қара суықта қатып қалмас үшін олар үй-күйсіз жүргендерге бір мезгіл ыстық тамақ тауып беріп жатыр.

Алайда жанашырлар қолда бар қаржымыз бір аптаға ғана жетеді дейді. Сондықтан азық-түлік немесе ақшалай көмек қолын созатын демеушілердің көмегіне зәру. Ескі киім-кешек пен көрпе-жастықтар болса да қабылдауға әзір екен. Тіпті қаңғыбастарға тамақ әзірлейтін жастарды да жинап жатыр. Былтыр далада қалғандарды тамақтандыруға жоғарғы оқу орындарының студенттері атсалысқан. Алайда биыл еріктілер құлшынысы көп байқалмайды.

Айнаш Садықова, ерікті:

-Былтыр демеушілер көмектестіп, азық-түлік алып беретін. Ал биыл ақшамыз жоқ. Сондықтан қайырымды жандардан қолдан келгенше көмектесуді сұраймыз. Азық-түлік, киім-кешек – бәрін қабылдаймыз.

ktk.kz