Ұлттық қауіпсіздік комитеті әлеуметтік желідегі жалған ақпаратқа қатысты ескертті

Ұлттық қауіпсіздік комитеті әлеуметтік желідегі таралған жалған ақпаратқа қатысты ескертіп, тек ресми дереккөздерге сенуге шақырды, деп хабарлайды jasqazaq.kz. ҰҚК-баспасөз қызметіне сілтеме жасап.

«Әлеуметтік желілерде патриоттыққа қарсы риториканы тарататын, «Бессмертный полк» акциясына бойкот жариялауға шақыратын немесе қоғамды жікке бөлуге бағытталған өзге де әрекеттерді жасайтын тұлғалар туралы ақпарат жинау үшін Telegram боты құрылғаны туралы «Қазақстан Республикасы Ұлттық қауіпсіздік комитеті баспасөз қызметінің ресми мәлімдемесі» деген ақпарат тарап жатыр. Аталған «мәлімдеме» — жалған, ондағы мәліметтер шындыққа жанаспайды», делінген хабарламада.

ҰҚК-нің ресми ақпараттары тек «knb.gov.kz» сайты, «knbgov_kz» Telegram-арнасы және «knbgovkz» Instagram-парақшасы арқылы жарияланады.

Сурет: Gov.kz