Қазақстан Президенті Іс басқармасы Медициналық орталығының Ұлттық госпиталінің директоры Асхат Бралов Сара Назарбаеваның денсаулығына қатысты сауалдарға жауап берді, деп хабарлайды jasqazaq.kz.
Ең алдымен ол Сара Назарбаеваның қайтыс болғаны туралы ақпараттың шындыққа жанаспайтынын айтты. «Науқас Қазақстан Республикасы Президенті Әкімшілігінің Медициналық орталығының Ұлттық госпиталінде емделуде», – деді.
Сондай-ақ ол сырқаттың жағдайы туралы мәлеметтің жария етілмейтінін ескертті:
«ҚР Денсаулық сақтау және денсаулық сақтау жүйесі туралы» Кодексінің 273-бабына сәйкес, диагноз бен денсаулық жағдайына қатысты мәліметтер медициналық құпия саналатын мәліметке жатады. Ақпаратты құпия сақтау туралы шешім пациенттің жеке өміріне қол сұғылмаушылыққа заңды құқықтарын қамтамасыз ету, оның жеке өмірін құрметтеу және емдеу процесіне ықтимал араласудан қорғау мақсатында емделушінің мүддесі үшін қабылданды».
Кеше кешке қарай базбір ақпарат құралдары мен Телеграм-каналдар «Сара Назарбаева қайтыс болды» деген ақпарат жариялап жіберген болатын. Көп ұзамай Айдос Үкібай бұл қауесетті жоққа шығарды.
JQ-Aqparat
WhatsApp: +7 705 717 9113
