УҰИ-да күдіктілердің туған күн тойлағанын видеоға кім түсіргені анықталды

Ішкі істер министрлігі Еңбекшіқазақ ауданының УҰИ-де болған жағдайға қатысты қандай шаралар қолданылғанын айтты, деп хабарлайды jasqazaq.kz.
Polisia.kz мәліметінше, әлеуметтік желіде таралған бейнежазбаны УҰИ-дің бұрынғы қызметкері өзінің ұялы телефонына түсірген. Қызметтік тәртіпті өрескел бұзғаны үшін ол арнайы шенінен айрылып, теріс себептермен жұмыстан қуылды.
Осы факті бойынша қылмыстық іс қозғалды.
Сондай-ақ қызметтік тәртіпті өрескел бұзғаны және тиісінше бақылау жүргізбегені үшін 16 басшы мен қызметкер лауазымнан босатылуға дейін қатаң тәртіптік жазаға тартылды. Оның ішінде УҰИ басшысы да бар.
Қазіргі уақытта УҰИ-де режимді бақылау күшейтілді: қосымша бейнемониторинг шаралары енгізіліп, ұқсас мекемелерде жоспардан тыс тексерулер басталды.
JQ-Aqparat