Түркия халқы Мейрамбек Бесбаевты шашу шашып қарсы алды (видео)

Қазақ халқының сүйікті әншісі Мейрамбек Бесбаевты Түркия қазақтары құшақ жая қарсы алды. Жат елдегі қандастарымыз Мейрамбекке шашу шашып, құшақ-құшақ гүлдерін ұсынды, деп хабарлайды Stan.kz.

Мейрамбек Бесбаев қазіргі таңда Еуразия Ұлттық университетінің магистранты болып табылады. Әнші Түркияның көне қаласы, екінші астанасы Ыстанбұлға курстастарымен бірге өндірістік тәжірибеден өту үшін аттанған.

Мейрамбек бұл сапарға жары Мархаббатты да бірге ерте кеткен.

Әншінің Түркияға табан тірегенін білген тыңдармандары барынша ізгі ниеттерін көрсетуге тырысып бағуда. Олардың бірі Мейрамбекті қонақ етсе, екіншілері Түркияның әсем жерлерін аралатып әлек.

Әншінің өзі дархан көңілді Ыстанбұл қазақтарына деген ризашылығын жеткізді.

“Шашуын шашып, ақ дастарханын жайып, ізгі тілектерін жаудырып қарсы алған Ыстанбұлдағы ағайындарға Алланың нұры жаусын”, – деп жазды ол инста-парақшасында.

Шашуын шашып,ак дастарханын жайып изги тилектерин жаудырып карсы алган Стамбулдагы Агайындарга Алланын нуры жаусын! #М_Б #Стамбул

Публикация от Meirambek Besbaev (@m_besbaev) Ноя 21 2017 в 12:43 PST