Түркістан: Сайрамдық полицейлер алаяқтықтың алдын алды

17 сәуiр, 15:44

Бүгінде елімізде интернет алаяқтығы өршіп тұр. Сондықтан Түркістан облысының полициясы алаяқтыққа жол бермеу үшін қызу күрес жүргізеді. Мәселен, Сайрам ауданындағы полиция екі бірдей тұрғынды интернет-алаяқтан сақтап қалды. Бұл туралы Түркістан облысы полиция департаментінің баспасөз қызметі мәлімдеді.

Таңғы уақытта Сайрам аудандық полиция басқармасының кезекші бөліміне жергілікті тұрғын көмек сұрап келген. Оның айтуынша, телефонына белгісіз нөмір хабарласып, sim-картасының мерзімі өткенін хабарлаған. Оған сенген ер адам нөмірін жаңартуға жіберілген кодты айтқан. Одан кейін телефонына несие туралы түсініксіз сілтеме келген соң, оны тексеріп беру үшін полицияға жүгінген.

Бақылап-өткізу бекетінде тұрған полицей Арнұр Шалқар тұрғынның хабарламасы негізінде бірінші кезекте интернет-алаяқтық па деп күмәнданады. Тексеру кезінде тұрғынның атынан белгісіз біреулер несие алуға әрекет жасап жатқанын көреді. Содан жедел іске кірісіп, тұрғынның телефонынан eGov мобильді қосымшасы арқылы 6 ай мерзімге ерікті түрде несие алудан бас тарту деген бөлігін белгілейді.

Сөйтіп қырағы полицей алаяқтықтың алдын алып, тұрғынға дер кезінде жәрдем етті. Жоғарыдағы жағдай қызметкердің жедел әрекеті арқасында дер кезінде тоқтатылғанымен, бірер сағаттан кейін полицияға тағы бір тұрғын дәл сондай шағыммен келеді.
Тексеру кезінде оның атынан белгісіз біреу 1 миллион теңге несие алғаны белгілі болды. Оның атынан тағы да бірнеше банкке несиеге өтінім тасталғанын байқаған полиция қызметкері Арнұр Шалқар бұл ер адамның да телефонынан несие алудан бас тарту функциясын басып береді. Өз кезегінде тұрғындар жас та болса, қолдан келгенінше қолғабыс етіп, қылмыстың алдын алған құқық қорғау қызметкеріне алғысын жаудырды. Қазіргі таңда алаяқтық қылмысы бойынша тергеу амалдары жүргізіліп жатыр.

Мақпал Махамет

Суреттер: Түркістан обласы ПД баспасөз қызметі

24 мамыр, 14:41
Түркістан: Келес ауданында тұрмыстық зорлық-зомбылықтың алдын алу жұмыстары жүріп жатыр
23 мамыр, 15:27
Түркістандағы тәртіп сақшылары қауіпсіздікті қамтамасыз етіп, заңды да түсіндіреді
23 мамыр, 15:01
Түркістан: Бала қауіпсіздігін қамтамасыз ету – басты міндет
23 мамыр, 13:55
Түркістан: Ордабасы ауданында профилактикалық шаралар күшейтілді
23 мамыр, 12:35
Теріс пиғылды діни ағымды тек идеологиямен жеңу керек
23 мамыр, 10:55
Түркістан: Кентауда профилактикалық шаралар жалғасуда
22 мамыр, 15:44
Түркістан: Арыс ауданында «Жасөспірім және жауапкершілік» іс- шарасы өтуде
22 мамыр, 15:29
Түркістан: Полиция 180 қылмыстың ізін суытпай ашты
22 мамыр, 12:02
Түркістан: Шардара ауданында «БОРЫШКЕР» жедел профилактикалық іс-шарасы өтуде