Түркістан облысында жантүршігерлік жол апатынан алты адам қаза тапты

Сурет: Түркістан облысы полициясының баспасөз қызметі

Түркістан облысында жантүршігерлік жол апатынан алты адам қаза тапты, деп хабарлайды jasqazaq.kz. 

Түркістан облысының полициясы 3 ақпанда «Кентау-Түркістан» тас жолының 5-ші шақырымында екі «Ауди» көлігінің қатысуымен жол апаты орын алып, одан кейін өрт шыққанын хабарлады.

«Алдын ала мәлімет бойынша, көліктердің бірінің жүргізушісі қарсы жолға шығып кетіп, басқа көлікпен бетпе-бет соқтығысқан. Апат салдарынан 6 адам қаза тауып, 4 зардап шегуші түрлі жарақаттармен Кентау қаласының медициналық мекемесіне жатқызылды, — делінген полиция хабарламасында.

Түркістан облысының полиция департаменті жол қозғалысы ережелерін сақтауға, белгіленген жылдамдықты асырмауға және қарсы жолаққа шықпауға шақырады.