Туристердің қауіпсіздігі үшін «Е-Шағым» жүйесі іске қосылады

Туристер жосықсыз такси жүргізушілері мен қонақүйлерге «Е-Шағым» жүйесі арқылы шағымдана алады, деп хабарлайды jasqazaq.kz. Бұл туралы туризм және спорт вице-министрі Ержан Еркінбаев Үкімет отырысынан кейін өткен баспасөз мәслихатында мәлімдеді.

Ол аталған жұмыс туризм саласын цифрландыру аясында жүргізілетінін атап өтті:

«Цифрландыру және TravelStan қосымшасын іске қосу аясында турист қажет болған жағдайда бір тетік арқылы мемлекеттік органның белгілі бір өкілінің, қонақүй reception-нің заңсыз әрекеттеріне, такси жүргізушісінің дөрекілігіне шағымдана алғанын қалаймыз. Бұл жүйе “Е-Шағым” – шағымдарды жинақтау жүйесі деп аталады. Біз оны енгізуді жоспарлап отырмыз».

Travelstan сервисі нарықтың барлық қатысушыларын біріктіруге және туристерге сапалы әрі сенімді қызметтерге қол жеткізуге мүмкіндік береді.

JQ-Aqparat
Фото: depositphotos.com