Трамп пен Путин телефон арқылы тілдесті

Бүгін АҚШ және Ресей президенттері телефон арқылы сөйлесіп, Украина, Таяу Шығыс, энергетика және екі елдің азаматтарын алмасу жайын талқылады, деп хабарлайды jasqazaq.kz. 

Осы тілдесу туралы өз пікірін білдірген Трамп ресейлік әріптесімен Украинадағы қақтығысты тоқтату қажет деген ортақ ұйғарымға келгендерін жеткізді. АҚШ президенті атап өткендей, тараптар қақтығысты тоқтатуға бағытталған келіссөзді дереу бастау жөнінде уағдаласты.

Ал Кремльдің ресми өкілі Дмитрий Песков әңгіме барысында Путиннің Украинадағы қақтығысқа әкеп соққан себептерді тжою қажеттігін айтқанын хабарлады. Ресей басшысы, сондай-ақ, Ақ үй қожайынын Мәскеуге сапармен келуге шақырды.

Бұған дейін кейбір ақпарат құралдары Трамп пен Путиннің телефон арқылы сөйлескенін хабарлаған болатын. Бірақ бұл ресми орындар тарапынан расталмады.

JQ-Aqparat