Трамп 600 млн долларға кедейленіп қалды

18 қазан 2017, 9:44

АҚШ президенті Дональд Трамптың байлығы бір жыл ішінде 600 млн долларға азайып, 3,1 млрд долларды құраған.

Құрама штаттардың президенті құрылыс империясының иесі. Ол биылғы жылы рейтингте 248 орында тұр. Бір жыл бұрын Трамп 156 орынға жайғасқан болатын. Сарапшылардың сөзінше, Трамп сайлауалды дайындық кезінде көп қаражат жұмсаған. Сонымен қатар, оның капиталы Нью-Йорк жылжымайтын мүлік нарығындағы аса қатты бәсекелестік әсерінен де құлдыраған.

Ал байлардың көшін осымен 24 жыл қатарынан Microsoft компаниясының негізін салушы Билл Гейтс 89 млрд доллармен бастап тұр. Одан кейін Amazon интернет-ретейлерінің жетекшісі Джеффри Безос 81,5 млрд доллармен екінші орынға орналасқан.

stan.kz