Төреғали Төреәлі тергеу изоляторына қамалды (Видео)

30 қыркүйек 2022, 17:03

Әнші Төреғали Төреәлі тергеу абақтысына қамалды, деп хабарлайды ҚазАқпарат.

«Бүгін күдікті Төреғали Төреәлі уақытша ұстау изоляторына қамауға алынды. Оған қатысты құқық бұзушылық ҚР Қылмыстық кодексінің 293-бабында көзделген қылмыс құрамының белгілері «бұзақылық» бойынша Кеген ауданының полиция бөлімінде тіркелді»,- делінген Алматы облыстық полиция департаментінің баспасөз қызметі таратқан хабарламада.

Күдікті Талғар ауданының полициясында қамауда отыр.

Өңірлік полиция департаменті бастығының тергеу жұмыстары жөніндегі орынбасары Рустам Абдрахмановтың айтуынша, оқиғаны жан-жақты, толық әрі объективті зерттеу үшін заңмен қарастырылған барлық шара қолға алынатын болады.