Sputnik
Алматыда танымал әнші Төреғали Төреәліге қатысты сот үкімі шықты. Бұл туралы Алматы қалалық сотының баспасөз қызметі мәлім етті.
Танымал әртіске Қылмыстық кодекстің 378-бабы бойынша «Билік өкiлiн өз қызметтiк мiндеттерiн атқару кезiнде немесе оларды атқаруына байланысты қорлады» деген айып тағылды. Ал Төреғалиды ұстамақ болған 6 полиция қызметкері жәбірленуші деп танылды.
«Сотталушы Әлиханов (Төреғали Төреәлі — еск.) Қылмыстық кодекстің 378-бабының 1-бөлігі бойынша кінәлі деп танылсын, оған 40 сағат қоғамдық жұмыстарға тарту жазасы тағайындалсын. Сондай-ақ, одан жәбірленушілер пайдасына 17 мың теңге және сот шығындарына 19 мың теңге өндірілсін», — деді судья.
Сот барысында әнші қамауға алынбады: оған басқа бұлтартпау шарасы таңдалды.
JQ-Aqparat