«Тіл парасат» атты республикалық байқауын өткізеді

Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің тапсырмасымен «Ш.Шаяхметов атындағы тілдерді дамытудың республикалық үйлестіру-әдістемелік орталығы» РМҚК 2017 жылғы 23 қарашасында этнос жастары арасындағы қазақ тілі білгірлерінің «Тіл парасат» атты республикалық байқауын өткізеді.

Байқаудың мақсаты – мемлекеттік тілдің қолданылу аясын кеңейту, тіл мәдениетін көтеру, этнос өкілдерін ынталандыру, талантты жастарды анықтау және қолдау.

Байқауға 17-22 жас аралығындағы облыстық және қалалық іріктеу кезеңдерінің жүлдегерлері қатысады. Байқау ережесіне сәйкес келесі тапсырмалардан тұрады:

— Ұсынылған тақырып бойынша ауызша тұсаукесер

— Қазақша эссе жазу

— Диалог құру

— «Шабыт жұлдызы» атты шығармашылық тапсырманы орындау.

Арнайы құрылған қазылар алқасының шешімімен үздіктер анықталып, дипломдармен, алғысхаттармен және сыйлықтармен марапатталатын болады.

Өтетін орны: Алматы қаласы, Қазақ Мемлекеттік Қыздар педагогикалық университеті, Әйтеке Би көшесі, 99

Өтетін уақыты: 2017 жылғы 23 қараша, сағат 14.00

Байланыс телефоны: 8 (7172) 40-83-97; 8 708 923 41 64