Тергеушіден кек алғандар сотталды

Сот үкімімен билік өкіліне қатысты күш қолданғаны үшін үш адам сотталды. Бұл туралы Астана прокуратурасының баспасөз қызметі хабарлады.

Құқық қорғау органының тергеушісі мемлекеттік орталық органдардың бірінің лауазымды тұлғалары мен ЖШС басшылығына қатысты жымқыру фактісі бойынша қылмыстық істі тергеп, компанияның активтерін бұғаттаған.

Кек алу үшін сотталған үш адам тергеушіге шабуыл жасауды ұйымдастырған. Жәбірленушінің тұрғылықты мекенжайына барып, үйінің кіреберісінде оған шабуыл жасаған.

Сотта мемлекеттік айыптаушы шабуыл жасағандардың кінәсін толық дәлелдеді.
Сот үкімімен шабуылды ұйымдастырушы 5 жылға бас бостандығынан айрылды. Қалған екеуі 4 және 3 жылға сотталды.
Үкім заңды күшіне енді.

JQ-Aqparat