Теңдессіз Теке көлі мемлекетке қайтарылды

ortcom.kz

Солтүстік Қазақстан облысының прокурорлары мемлекетке «Теке» көлін қайтарды, деп хабарлайды jasqazaq.kz.

Бас прокуратураның мәліметінше, 2020 жылы ас тұзын өндеуге арналған келісімшарт шеңберінде жергілікті атқарушы органдар жер қойнауын пайдаланушыға Теке көлін бергені анықталды.

2022 жылы жер қойнауын пайдалануға арналған келісімшарттың тоқтатылуына қарамастан, уәкілетті орган жер кодексінің талаптарына қайшы, екі жылдан астам уақыт бойы сотқа дейінгі тәртіппен шартты біржақты бұзу жөнінде шаралар қабылдамаған. Бұл су қорының жерлерін мақсатсыз пайдалануға әкелді.
Бұдан басқа, «Жер қойнауы және жер қойнауын пайдалану туралы» кодекстің талаптарына қарамастан, шаруашылық жүргізуші субъектісі құзыретті органның ресми сайтында жер қойнауын пайдаланушылардың тізілімінен алынбаған.

Мамандандырылған табиғат қорғау прокурорының қабылданған шараларымен жер учаскесін жалдау шарты сотқа дейінгі тәртіппен біржақты бұзылды. Сөйтіп кадастрлық құны 26,7 млрд теңгені құрайтын жалпы ауданы 21,5 мың гектар ащы- тұзды Теке көлі мемлекет меншігіне қайтарылды.
Құзыретті органның интернет-ресурстарындағы мәліметтер сәйкестендірілді. Кінәлі лауазымды тұлғалар тәртіптік жауапкершілікке тартылды.

JQ-Aqparat