Тексеріс басталды: Шерзат Болаттың өліміне қатысы бар күдіктілер изоляторда туған күн тойлады

Әлеуметтік желіде қамауда отырғандар емін-еркін туған күн тойлап жатқан видео тарады. Олар Қайрат Нұртастың өлеңін тыңдап, торт жеп отырған сәтін видеоға түсіріп алған.

Желі қолданушылары видеода Шерзат Болаттың өліміне қатысы бар күдіктілер бейнеленгенін айтып жатыр.

Алматы облысының полицейлері бұл видеоға қатысты жауап беріп, қызметтік тексеріс басталғанын айтты.

«Барлық жауаптылар, соның ішінде басшылық қатаң жауапкершілікке тартылады, тергеу барысы ерекше бақылауға алынды», — деді Алматы ПД баспасөз қызметі.

Сурет: Видеодан кадр