Тәртіп сақшыларынан қашып құтыла алмады (видео)

Әлеуметтік желіде полицияға бағынбай, көлігімен қашып кетпек болған адамның видеосы тарады. БҚО полиция департаментінің ресми өкілі Болатбек Белгібековтің айтуынша, Lexus автокөлігінің жүргізушісі тәртіп сақшыларының ескертуін елемей, жасырынуға әрекет еткен. Бұл туралы mgorod.kz порталы хабарлады.

«Алайда, Орал-Атырау тас жолында Үлкен Шаған ауылының маңында оның жолын бөгейді. Ол жол жиегіне шығып, қар құрсауына батып қалды. Кейінірек жол талғамайтын көлік жүргізушісі 25 қап балықты тиісті құжаттарынсыз тасымалдаған болып шықты», деп түсіндірді Болатбек Белгібеков.