Таразда белгісіз ер адамдар 13 жастағы қызды алып кетпек болған (Видео)

18 ақпан, 10:07

Таразда белгісіз ер адамдар 13 жастағы қызды алып кетпек болған. Полиция күдіктілерді қамауға алды, деп хабарлайды jasqazaq.kz.

Оқиғаның видеосы әлеуметтік желіде пайда болды. Онда 13 жастағы мектеп оқушысының жанына көлік тоқтап, ішінен екі ер адам түседі. Олардың бірі қызды көлік салонына күштеп отырғызуға әрекеттенеді. Оған өтіп бара жатқан адам кедергі келтірді.

«Полицияға аялдамада тұрған қызды екі белгісіз азаматтың автокөлікпен ұрламақ болғаны туралы хабарлама түсті. Аталған факті бойынша сотқа дейінгі тергеп-тексеру басталды. Оқиға орнына полиция қызметкерлері дереу жетті. Күдіктілер ұсталып, уақытша ұстау изоляторына қамалды. Қазіргі уақытта болған оқиғаның барлық мән-жайын жан-жақты анықтауға бағытталған тергеу әрекеттері жүргізілуде», – деп хабарлады Жамбыл облысының Полиция департаменті.