jasqazaq.kz

Тәтті түбір тұқымы өзімізден

01 қантар 2017, 12:16

Кезінде еліміздің 70 пайызын қантпен қамтыған Алматы облысы соңғы жылдары тәтті түбір өсіріп, өнім дайындауда жетістігімен қуантып жүр. Қант қызылшасын өсіру алқаптарын ұлғайтып, зауыттарды жөндеуден өткізгелі бері бұл саланың тамырына қан жүгірді. Енді, тіпті тұқымды шеттен алуды да қоятын кез келетін сияқты. Бұл туралы облыстық ауыл шаруашылық басқармасының басшысы Сексенбай Бекішов мәлімдеді.

«Жетісу» ӘКК» ҰҚ» акционерлік қоғамының өкілдері, егіншілік және өсімдік шаруашылығы зерттеу институтының мамандары, аудандық ауыл шаруашылығы бөлім басшылары, агрономдар және бірқатар шаруашылық өкілдері қатысқан жиында тұқым өндіру мәселесі туралы ақылдасты. Ауыл шаруашылығы басқармасының басшысы Сексенбай Бекішов Елбасының тапсырмасын орындау мақсатында облыс әкімі Амандық Баталовтың қолдауымен бірқатар іс-шараларды ұйымдастырғанын, нәтижесінде биылғы жылы қант қызылшасының көлемі 6809 гектарға жеткенін айтты.
Айтуынша, облыс әкімдігі тарапынан қант қызылшасын сепкен шаруашылықтарға биыл да қолдау көрсетілуде. Тұқым сатып алуға жергілікті бюджеттен қаражат бөлініп, 6100 гектар егістік алқапқа «Жетісу» ӘКК» ҰҚ» акционерлік қоғамы арқылы Франция, Германия елдерінен тасымалданған тұқымдар себілді. Осы ретте шаруашылықтарға берілген тұқым күзгі өнім есебінен қайтарылмақ. Ал қалған 712 гектар алқапқа «Қамқорлық» жауапкершілігі шектеулі серіктестігі тұқымы пайдаланылды.


Облыстық ауыл шаруашылық басқармасы басшысының айтуынша, бүгінгі таңда өңір үшін ең маңызды мақсаттардың бірі – тұқым шаруашылығын жолға қою болып отыр. Өйткені, тұқымды шеттен әкелу қомақты қаржыны қажет етіп отыр.
Сексенбай Бекішов «Қазіргі таңда сатып алынатын Франция, Германия мемлекеттері тұқымдарының сапасы өте жоғары екендігін мойындауымыз керек. Алайда мұндай қымбат тұқымдарды жыл сайын сатып ала беруге шаруашылықтардың шамасы жете бермейді. Сол себепті біз бұл бағытта шетелдерге тәуелді болмай, өзіміздің отандық өнімді өндіруді мықтап қолға алуымыз керек», – деді.
Мамандардың айтуынша, бізде тұқым өндіруге мүмкіндік көп. Мәселен, осы саланың жілігін шағып, майын ішіп жүрген Панфилов ауданындағы «Қамқорлық» жауапкершілігі шектеулі серіктестігінің базасынан сапалы әрі толерантты отандық өнім өндіруге болады. Аталған серіктестіктің директоры Әлен Жолдасов отандық тұқымның артықшылығы жайлы айтты. Оның пікірінше, бұл тұқым түрлі зиянкеске төзімді әрі климатқа мейлінше бейімделген. Қазақ егіншілік және өсімдік шаруашылығы ғылыми-зерттеу институтының бас директорының орынбасары Шынболат Рысқалиев пен «Жетісу» ӘКК» ҰҚ» акционерлік қоғамы азық-түлік тауарларының тұрақтандыру қорын басқару департаментінің директоры Қуаныш Тоғайбаев сөз алып, тұқым шаруашылығы туралы пікірін білдірді. Айтылған пікірлерді мұқият тыңдаған Сексенбай Бекішов бұл туралы облыс әкімі Амандық Баталовқа жеткізетінін айтты.

 

Шынаргүл Оңашбай, Алматы облысы 

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда