Сыртқы істер министрлігі Таяу Шығыстағы ахуалға байланысты мәлімдеме жасады

Еліміздің сыртқы істер министрлігі Таяу Шығыстағы ахуалдың күрделенуіне байланысты мәлімдеме жасады, деп хабарлайды jasqazaq.kz.
Министрлік хабарламасында: «АҚШ-тың Иранға қарсы соңғы әскери әрекеттерінің нәтижесінде әлемнің біздің бөлігінде орналасқан мемлекеттердің қауіпсіздігі үшін қатерлі салдары бар халықаралық жағдайдың күрт нашарлауы байқалып отыр. Қазақстан Каспий маңы елдерінің тобына кіреді және Иранмен түрлі салалардағы ынтымақтастықты дамытуда. Мемлекетіміз барлық келіспеушіліктерді, оның ішінде ядролық мәселелерді БҰҰ Жарғысы негізінде келіссөздер жүргізу арқылы шешу қажет деп санайды», — делінген.
Министрлік барлық мүдделі елдерді ядролық қарудың таралуына жол бермеу және халықаралық бақылаумен таратпау режимін ұстанатын мемлекеттердің қауіпсіздігіне кепілдіктер беру мақсатында келісімді жақын арада әзірлеуге шақыратынын жазды.
JQ-Aqparat
Сурет: сыртқы істер министрлігі