Сусын – дүкенге, сарқынды су – көлге

16 сәуiр, 14:55

Әлеуметтік желіде сусын түрлерін өндіретін кәсіпорынның лас суды жақын маңдағы көлге ағызатыны туралы бейнежазба тараған еді. Осыған орай Алматы облысының әкімдігі Қарасай ауданында RG Brands компаниясының осы әрекетіне қатысты тексеру басталғанын мәлімдеді.

16 сәуір күні Экология департаменті мен табиғат қорғау полициясының мамандары оқиға орнына барып, тексеру жұмыстарын жүргізеді.
Айта кетейік, сусын өндіретін RG Brands компаниясы акциясының 61,77 пайызы Қайрат Мәжібаевқа, 26,76 пайызы Еркін Көшкінбаевқа тиесілі. Екеуі де Forbes Kazakhstan рейтингіндегі 50 олигархтың тізіміне енген.

JQ-Aqparat