Судьяның Енсебектің әкесіне берген жауабы: Сот Темірлан Енсебектің талабымен орыс тілінде жүргізіліп жатыр

Бүгін  сатирасымақ «Qaznews24»  паблигінің иесі Темірлан Еңсебектің ісі бойынша сотта қоғамдық қорғаушы ретінде қатысқан әкесі қазақ тілінде сөйлей бастады. Судья Бейнегүл Кайсина аяқ астынан «бүйректен сирақ шығарғысы» келген оған сот отырысының Темірлан Еңсебектің өтінішімен орыс тілінде өтіп жатқанын еске салды. Судья аудармашы шақыру туралы өтінішті процесс басталмай тұрып беру керек екенін айтты.
«Сіз сот отырысының қай тілде өтетіні туралы мәселені енді ғана көтеріп отырсыз. Сіздің балаңыз Темірлан Еңсебек орыс тілін таңдады.
Қоғамдық қорғаушы ретінде бұл туралы хабардарсыз. Бұған дейін Алмалы ауданындағы сот отырысы да орыс тілінде өтті. Соған қарамастан, сіз әдейі тәртіп бұзып, сауалды басқа тілде қоясыз. Мен қазақша білемін, егер отырыс қазақша өткізу тураоы шешім шықса, жақсы.Бірақ ол үшін Еңсебектің өзі ресми түрде өтініш білдіруі керек. Тәртіпті бұзбауыңызды сұраймын. Заң алдында бәрі бірдей», — деп жауап берді.

JQ-Aqparat