Әлеуметтік желіде Абай атындағы Қазақ ұлттық педагогикалық университетінде (ҚазҰПУ) 1 курс студенттеріне қыз баланың қоғамда және ер адамдармен қарым-қатынасы қалай болуы керектігі туралы жиын өткені туралы ақпарат пайда болды. Соңғы нұсқауларға сәйкес, олар бас иіп, дұрыс сәлемдесу керек. Қазнетте жұрт осыған қатысты наразылық пікірлер жаза бастады, деп хабарлайды jasqazaq.kz.
Әлеуметтік желідегі ақпаратқа сәйкес, университет қабырғасында 1 курс студент қыздары шақырылып, оларға әртүрлі жастағы ер адамдар қыздардың қоғамда өзін қалай ұстау керектігін айтып берген видеоролик көрсетілді. Мысалы, ашық киім киюге, дауыстап сөйлеуге болмайды, еркектермен кездескенде иіліп сәлемдесу керек.
Tengrinews хабарлауынша, Абай атындағы Қазақ ұлттық педагогикалық университеті шу болған интерактивті сабаққа қатысты пікір білдіріп, алдағы уақытта осындай мазмұндағы материалдарға мұқият болатынын айтты.
«5 мамырда университет қабырғасында студенттерге арналған танымдық кездесулердің бірі өтті. Университет қабырғасында ұлттық құндылықтарды дәріптеуге, жастардың мәдени-адамгершілік санасын арттыруға, Абай Құнанбаевтың этикалық нормалары мен тәрбие философиясын түсіндіруге бағытталған іс-шаралар жүйелі түрде өткізіліп тұрады. Осы уақытқа дейін мұндай материалдардың мазмұны сын тудырмаған. Алайда кездесу барысында көрсетілген бейнематериалдар студенттердің түрлі реакциясын тудырып, дау тудырды. Университет басшылығы бұл жағдайды тусініспеушікпен қарап, алдағы уақытта осындай мазмұндағы материалдарды таңдауда барынша сақ болатынын мәлімдейді», — деп жауап берді ҚазҰПУ өкілдері.
WhatsApp: +7 705 717 9113
