Сотталушылардың адвокаттарына прокурордың жауап алғаны ұнамай, ауыстыруды талап етті

Бүгін Шерзат Болаттың өліміне қатысты сот отырысы жалғасып жатыр. Түске таман айыпталушылардың адвокаттары прокурор Дана Сәрсенбайға наразылық білдіріп, оны процестен аластатуды талап етті. Олардың айтуынша, прокурор фактілерді бұрмалап, дауыс көтереді. Сондай-ақ Дархан Әскентайдан жауап алғаны ұнамай қалыпты, деп хабарлайды jasqazaq.kz.

Дана Сәрсенбай мұнымен келіспейтінін айтты. «Егер мен сотта жағдайды жан-жақты қарамасам, өз жұмысымды қалай атқарамын?»,- деді ол.

Екінші прокурор мен жәбірленушілердің қорғаушылары да әлгі талапқа қарсы шықты. Сот шешім шығару үшін кеңесу бөлмесіне кетті.

Сот айыпталушылардың прокурор Дана Сәрсенбайды аластату туралы талабын қанағаттандырған жоқ.

JQ-Aqparat

Сурет: видеодан кадр