Солтүстік Кореяда полигонда 200-ден астам адам қаза тапты

01 қараша 2017, 10:41

Пунгери ядролық полигонындағы тоннельдің опырылуы салдарынан 200 адам қаза тапты.

Бұл туралы Жапонияның Asahi TV телеарнасы сілтеме жасап хабарлады, ҚазАқпарат.

Қайғылы апат 10 қыркүйек күні болған. Алайда белгілі бір себептермен ол туралы ақпарат 31 қазанда ғана пайда болған. Алдын ала мәліметтерге сүйенсек, құрылысы жүріп жатқан тоннельдің құрылымдары құлап, соның салдарынан 100-ге жуық жұмысшы жер астында қалып қойған.

Артынша тау жыныстары қозғалып, тоннель қайта опырылған. Салдарынан тағы 100-ге жуық құтқарушы ажал құшты.