Сол түн қорқынышқа толы болды: Say Mo актер Серік Шәріппен некеде болған кезін еске алды

Актер Серік Шәріптің қызды ұрғаны туралы оқиғаға Мөлдір Есембек — Say Mo пікір білдірді, деп хабарлайды jasqazaq.kz.

Шәріппен некеде болған рэп-орындаушы одан көрген жәбір-жапасын еске алды.

«Сондай оқиғаның қайталанғаны өкінішті. Мен бұл адамның қылығына таң қалмаймын. Бұлар өзінікін қате деп санамайды, мұндай адамдар ешқашан өзгермейді. Өйткені өздерін керемет деп санайды»,- деп жазды Say Mo.

Мөлдір Есембек актердің өзіне қол көтергенін кезін де жазды.

«Ол «Вавилон» тұрғын үй кешенінің алдында қол көтерген болатын, бірақ мен видеоны ала алмадым. Ал сол түні әрі қарай не болғанын айтып бастасам ұзақ және қорқынышқа толы әңгіме» — , деп жазды әнші.

Еске салсақ, Серік Шәріптің бұрынғы ғашығы Әлия Бөтеева әлеуметтік желідегі парақшасына бейнежазба мен суреттер жариялады. Видеода лифтіге кірген қызды ер адам (Бөтееваның айтуынша Серік Шәріп) сүйреп шығарып, ары қарай алып кетеді. Ал суретте ұрғаннан кейін беті қызарғанын көрсетеді. Бүгін таң атпай Salem Entertainment медиакомпаниясы актерді «қара тізімге» кіргізіп, онымен жұмыс істемейтінін мәлімдеп тастады.

JQ-Aqparat