Содырлармен байланысы бар бес адам ұсталды

08 желтоқсан 2017, 17:37

ҰҚК Петропавлда содырлармен байланысы бар деген 5 шетелдікті ұстады, — деп хабарлайды Tengrinews.kz ақпарат агенттігі ҰҚК баспасөз қызметіне сілтеме жасап.

«8 желтоқсанда Қазақстан Республикасының Ұлттық қауіпсіздік комитеті Орталық Азия елдерінің бірінен азаматтар тобының халықаралық террористік ұйымдарға қатыстылығын тексеру жөніндегі жедел-іздестіру шаралары нәтижесінде Солтүстік Қазақстан облысы бойынша ІІД-нің күштерін қатыстырумен Петропавл қаласында бес адамды ұстады», — деп хабарлады ҰҚК өкілдері.

Ведомство мәліметінше, Қазақстанда тұруға ықтиярхаты бар шетелдіктер халықаралық террористермен байланысы бар деген күдікке ілінді.